Xitoyda erini o‘lgan deb gumon qilgan ayol uni o‘likxonaga yubordi. Bu haqda South China Morning Post xabar berdi, deb yozadi “RIA Novosti”.
Hodisa Xitoy markazidagi Xubey provinsiyasi Shiyan shahrida yuz berdi. Xuan sharifli erkakda oshqozon saratonining oxirgi bosqichi aniqlangan. 26-fevral tongida uni uyg‘otishga harakat qilgan rafiqasi buning uddasidan chiqa olmagan. U erini kechasi vafot etgan deb hisoblab, dafn etish xizmatini chaqirdi, ular erkakni o‘likxonaga yetkazdi.
Bir necha soatdan so‘ng jasadni ko‘mishga tayyorgarlik ko‘rayotgan o‘likxona xodimlari erkakning og‘zi va barmoqlari sezilar-sezilmas titrayotganligini payqadi. Uning yurak urishini tekshirgan xodimlar “o‘lik” hali tirik ekanligiga ishonch hosil qildi.
O‘likxona xodimlari tez yordamni chaqirdi, biroq shifokorlar yetib kelgunga qadar erkak vafot etdi.
Izoh (0)