Хитойда эрини ўлган деб гумон қилган аёл уни ўликхонага юборди. Бу ҳақда South China Morning Post хабар берди, деб ёзади «РИА Новости».
Ҳодиса Хитой марказидаги Хубэй провинцияси Шиянь шаҳрида юз берди. Хуан шарифли эркакда ошқозон саратонининг охирги босқичи аниқланган. 26 февраль тонгида уни уйғотишга ҳаракат қилган рафиқаси бунинг уддасидан чиқа олмаган. У эрини кечаси вафот этган деб ҳисоблаб, дафн этиш хизматини чақирди, улар эркакни ўликхонага етказди.
Бир неча соатдан сўнг жасадни кўмишга тайёргарлик кўраётган ўликхона ходимлари эркакнинг оғзи ва бармоқлари сезилар-сезилмас титраётганлигини пайқади. Унинг юрак уришини текширган ходимлар «ўлик» ҳали тирик эканлигига ишонч ҳосил қилди.
Ўликхона ходимлари тез ёрдамни чақирди, бироқ шифокорлар етиб келгунга қадар эркак вафот этди.
Изоҳ (0)