Rossiyaning Tyumen shahrida yashovchi dasturchi Yaroslav Popov Rossiya prezidenti Vladimir Putinning dzyudo kimonosi kiyib turgan holatdagi 12 metrli nusxasini yaratdi. Prezidentning 3D nusxasini “Putin bilan surat” nomli maxsus dastur yordamida ko‘rish va u bilan suratga tushish mumkin, deb yozmoqda TJournal.
Dasturchining so‘zlariga ko‘ra, 3D nusxa u joylashtirilgan sport majmuasining 10 yilligi sharafiga yaratilgan. Mazkur dasturdan faqat shu joyda foydalanish mumkin.
Mazkur nusxani yaratish uchun bir oy vaqt ketgan. Unda Putin ta’zim/salom qilib turgani aks etgan. Bir haftadan so‘ng Putinga bag‘ishlangan to‘liq loyihani ishga tushirish rejalashtirilmoqda.
Izoh (0)