Kriptovalyutalar, ayniqsa Bitcoin investorlar orasida tobora ommalashib bormoqda, ular bunday valyutalarni uzoq muddatli aktivlar deb atab, ushbu raqamli pullarning qiymati doimiy ravishda o‘sib borishiga umid qilmoqda, deb yozadi Forum Daily.
Ammo kriptovalyutalardan biri — Ethereum yaratuvchisi Vitalik Buterin raqamli pullarni yorug‘ kelajak kutayotgani haqidagi taxminlarga butunlay qarshi.
U doimiy ravishda investorlarni kriptovalyuta savdosining yuqori risklari haqida ogohlantiradi.
“Eslatma: kriptovalyutalar hamon aktivlarning yangi va gipero‘zgaruvchan sinfi hisoblanadi, ularning qiymati istalgan vaqtda nolgacha tushib ketishi mumkin”, — deb yozdi u Twitter’da.
“Ularga o‘zingiz yo‘qotish uchun qurbingiz yetadiganidan ko‘p pul kiritmang. Agar o‘z jamg‘armalaringizni qayerda saqlashni o‘ylayotgan bo‘lsangiz, an’anaviy aktivlar siz uchun hamon eng xavfsizi bo‘lib qolmoqda”, — deya qo‘shib qo‘ydi dasturchi.
24 yoshli dasturchi avval ham kriptovalyuta ishqibozlarini ular bilan savdo qilishning xavfi haqida ogohlantirgan edi. 2017-yilning dekabrida Bitcoin 19 ming dollarlik maksimal qiymatga yetganida, u ijtimoiy tarmoqlar foydalanuvchilarini kriptovalyutaga haddan tashqari ishtiyoqmandlikda ayblagan va ularning xatti-harakatlarini “norastalik” deb atagan edi.
Izoh (0)