“Yetti pir” haqida kitob tayyor, endi unga homiy kerak” sarlavhali materialda ko‘tarilgan mavzu mutasaddilarni befarq qoldirmadi. Bu haqda O‘zA ma’lum qildi.
Bu borada O‘zbekiston matbuot va axborot agentligi tashabbus ko‘rsatdi. Agentlik bosh direktori birinchi o‘rinbosari S. Shukurov tomonidan O‘zAga kelgan javob xatida, jumladan, shunday deyiladi:
“Maqolada ko‘tarilgan masala O‘zbekiston matbuot va axborot agentligi tomonidan atroflicha o‘rganib chiqildi. ‘Dunyo murshidlari’ asari muallifi Sayfiddin Rafiddinov bilan ushbu asarning ulug‘ ajdodlarimiz muqaddas maskanlarini olam ahliga tanitishda nechog‘lik muhim ekani, allomalarimiz haqida keltirilgan ma’lumotlarning qay darajada ilmiy asoslagani, nashr etish uchun har tomonlama pishiq va puxtaligi, umuman, asar saviyasi va auditoriyasi yuzasidan bafurja suhbatlashildi.
Suhbat yakunida agentlik rahbariyati ushbu asarni nashr etish vazifasini o‘z zimmasiga olishini bildirdi”.
Izoh (0)