O‘zbekiston musulmonlari idorasining Namangan viloyati, Yangiqo‘rg‘on tumanidagi vakilligi tashabbusi bilan xayriya tadbiriga qo‘l urildi. Bu haqda tuman hokimligi axborot xizmati ma’lum qildi.
Tumanning bosh masjidida plastik karta ochilib, unga savobtalab insonlardan mablag‘ kelib tushmoqda.
Xayriyadan tushgan pullar tumandagi dori-darmonga ehtiyojmand bemorlar, nogironligi bo‘lgan shaxslar, boquvchisini yo‘qotgan va kam ta’minlangan oilalarga taqdim etilishi ko‘zda tutilgan.
Idoraning tumandagi vakili Rustamjon Otamatovga ko‘ra, bir haftadan ko‘proq vaqt mobaynida plastik kartaga 1,5 million so‘m yig‘ildi. Ushbu mablag‘ hisobidan Yangiqo‘rg‘on shaharchasi, “Obod”, “Beshbuloq”, “Vodiy” va “Qorasuv” mahallalaridagi 20 xonadonga oziq-ovqat mahsulotlari tarqatildi.
Izoh (0)