O‘zbekiston Prezidenti Shavkat Mirziyoyevning mart oyining birinchi o‘n kunligiga rejalashtirilgan Tojikistonga ilk davlat tashrifi yakunlari bo‘yicha 20 dan ortiq yangi davlatlararo va hukumatlararo bitimlar imzolanishi rejalashtirilgan. Bu haqda “Aziya-Plyus” Tojikiston hukumatiga tayanib xabar berdi.
Ularning eng muhimlaridan biri ikki mamlakat fuqarolarining Tojikiston va O‘zbekiston hududlariga bir oygacha muddatda vizasiz sayohat qilish imkoniyatini ko‘zda tutuvchi bitimdir. Shuningdek, tomonlar ikki mamlakat davlat chegaralarini demarkatsiya va delimitatsiya qilish haqidagi bitimni imzolaydi. O‘zbekiston tomonidan 100 million dollarlik imtiyozli kredit taqdim etilishi haqidagi hujjat ham muhim ahamiyat kasb etadi.
Shavkat Mirziyoyevning Dushanbega tashrifi doirasida tashkil etiladigan biznes-forumda esa Tojikiston va O‘zbekiston biznesining yetakchi vakillari o‘rtasida yirik shartnomalar tuzilishi kutilmoqda.
Izoh (0)