Qirg‘izistonning Jalolobod viloyati Qo‘chqor-Ota shahridagi qahvaxonada yuz bergan portlashda jabrlangan uch nafar o‘zbekistonlik mamlakatga keltirildi. Bu haqda “Daryo”ga Namangan viloyat FVB axborot-tahlil xizmati ma’lum qildi.
Qo‘chqor-Ota shahridagi shifoxonaga joylashtirilgan, Namangan shahrida 1995-yilda tug‘ilgan A’zamjon Valiyev va 1994-yilda tug‘ilgan Muhammadbobur Turg‘unpo‘latov Andijon viloyati, Paxtaobod tumanidagi “Madaniyat” bojxona posti orqali olib o‘tilib, maxsus tez tibbiy yordam mashinalarida Respublika shoshilinch tez tibbiy yordam ilmiy markazi Namangan filialiga olib kelindi. Hozirda filialning jarrohlik-jonlantirish bo‘limiga yotqizilgan bemorlarning ahvoli qoniqarli.
Shuningdek, O‘sh viloyat kasalxonasining jonlantirish bo‘limiga yotqizilgan, 1994-yilda Namangan shahrida tug‘ilgan Rustam Parpiyev Andijon viloyatining Xo‘jaobod tumanidagi “Do‘stlik” bojxona kompleksi orqali olib o‘tilib, holati og‘irligini inobatga olgan holda Respublika shoshilinch tez tibbiy yordam ilmiy markazi Andijon filialining jonlantirish bo‘limiga yotqizildi.
Izoh (0)