O‘zbekiston Prezidenti Shavkat Mirziyoyev Buxoro viloyatiga tashrifi davomida 17-fevral kuni Kogon tumanidagi harbiy qismda bo‘ldi. Prezident bu yerda harbiylarning xizmat va yashash sharoitlari bilan tanishgan, askar va ofitserlar bilan suhbatlashgan.
Jangovar shaylik qayerdan bo‘ladi? Jismoniy tayyorgarligingiz har doim kuchli bo‘lsa. Jismoniy tayyorgarlik qilgan odam bilimini ham oladi, kompyuterni ham biladi.Prezident matbuot xizmatining Shavkat Mirziyoyevdan keltirgan iqtibosiga ko‘ra, “xalq bilan armiya, mudofaa boshqarmalari bilan hokimlik bir bo‘lishi kerak”. “Harbiylar yoshlar bilan tez-tez uchrashib turishi, ularni vatanparvarlik ruhida tarbiyalashga hissa qo‘shishi zarur”, — degan Prezident.Bir daqiqa ham vaqtingiz bekor ketmasligi uchun mana shunday sharoitlarni yaratyapmiz. Sizning har tomonlama tayyorgarligingiz Vatanimizga, xalqimizga kerak. Tinchligimiz, xalqimizning mudofaasi, uning tinchligi sizning qo‘lingizda.
Ko‘p o‘zgarishlarni amalga oshiryapmiz. Nima uchun? Siz bu yerda jangovar shay, jismoniy sog‘lom, buyuk bobolarimizga munosib farzand bo‘lib, ruhlaring tetik bo‘lsa, biz tinch-xotirjam bo‘lib, sizlarga sharoit yaratib berishimiz shart.
Vatan himoyachisi degan sharafli kasbga, unga sadoqat bilan xizmat qilishga hayotingizni bag‘ishlagan ekansiz — bu buyuk kasb, buyuk niyat, buyuk istak — shu buyuklik har vaqt sizga hamroh bo‘lsin, jonajon Vatanimiz himoyasiga har doim tayyor bo‘ling.
Shavkat Mirziyoyev, O‘zbekiston Prezidenti
Izoh (0)