Pxyonchxanda bo‘lib o‘tayotgan qishki Olimpiada tashkiliy qo‘mitasi vakili Son Pek Yuning ma’lum qilishicha, tadbirni yoritish uchun akkreditatsiyadan o‘tgan koreyalik jurnalistlardan biri o‘z xonasida o‘lik holda topilgan, deb xabar berdi “Korrespondent.net”.
“Koreyalik bu jurnalist yaponiyalik hamkasblariga yordam bergan. OAVlar uchun mo‘ljallangan uyda yashagan marhumni uning xonadoshi uyg‘otishga uringan, biroq jurnalist bu paytda o‘lik bo‘lgan. Uning yoshi 55 da edi”, — deydi Son Pek Yu.
Xabar qilinishicha, politsiya jurnalistning o‘limi yuzasidan tekshiruvlarni boshlab yuborgan. Marhumning yaqinlari so‘zlariga ko‘ra, u noxush hodisa sodir bo‘lishidan oldinroq yurak sohasidagi og‘riqdan shikoyat qilgan.
Izoh (0)