1999-yil 16-fevral kuni, soat 10:45—12:00 oralig‘ida Toshkentning turli nuqtalarida oltita portlash yuz bergan edi. Terakt oqibatida 16 kishi halok bo‘lgan, 100 dan ortiq odam tan jarohati olgan.
Portlashlardan biri Vazirlar Mahkamasi binosi oldida yuz bergan — bu yerda shu kuni hukumat majlisi o‘tkazilishi va unda Prezident Islom Karimov qatnashishi lozim edi.
Portlashdan ko‘p o‘tmay, Prezident hodisa joyiga yetib kelgan. U portlashlar yuzasidan bevosita hodisa joyida televideniyega intervyu berayotganida yana bir portlash yuz bergan...
O‘sha kuni Vazirlar Mahkamasida o‘tkazilishi lozim bo‘lgan yig‘ilish Oliy Majlis binosiga ko‘chirilgan. Prezident Islom Karimov yig‘ilishda uni bunday teraktlar bilan qo‘rqitib yoki o‘zgartirib bo‘lmasligini qat’iy ta’kidlagan edi.
Izoh (0)