Toshkentda 14-fevral kuni O‘zbekiston Prezidenti Shavkat Mirziyoyev raisligida maktabgacha ta’lim tizimini isloh qilish chora-tadbirlari tahliliga bag‘ishlangan videoselektor yig‘ilishi o‘tkazilgan edi.
Mavzuga doir: Shavkat Mirziyoyev: Bizda kollej-litseylar o‘zini oqlamadi. Uning tepasidagi ilmimiz yo‘q bo‘ldi
Biz bergan topshiriqqa muvofiq ishlab chiqilgan namunaviy loyihalarda bog‘chalarning obodonlashtirilgan kichik maydoni, alohida oshxonasi, kichik kutubxona, sport maydonchasi va kichik suv havzasi bo‘lishi nazarda tutilgan. Biroq ishlab chiqilgan namunaviy loyihalar bo‘yicha quriladigan yangi bog‘chalarning narxi juda qimmat bo‘lib ketgan.Shu sababli Davlat arxitektura-qurilish qo‘mitasi loyiha institutlari bilan birga qisqa muddatda namunaviy loyihalarni qayta ko‘rib chiqib, yangi quriladigan bog‘chalar narxini arzonlashtirish choralarini ko‘rishi va bu haqda shaxsan menga axborot berishi shart.
Respublika bo‘yicha bitta bog‘chani tashkil etish uchun xarajatlar o‘rtacha 15 million so‘m bo‘lgan bir holda, Qoraqalpog‘iston Respublikasi, Andijon, Navoiy, Surxondaryo, Toshkent viloyatlarida 21—26 million so‘mga tengligini hududlar rahbarlar qanday izohlaydi?
Shundan kelib chiqib, hokimlarga topshiriq: ikki haftada tashabbuskor bilan birgalikda loyihalarni arzonlashtirish choralarini ko‘rish kerak. Aks holda, bu ertaga bog‘cha to‘lovining yuqori bo‘lishiga olib keladi.
Shavkat Mirziyoyev, O‘zbekiston Prezidenti
Izoh (0)