Bugungi kunga qadar Moliya vazirligi va uning hududiy organlariga O‘zbekiston yoshlar ittifoqi tavsiyasi bilan 1148 nafar yoshdan ishlash taklifi kelib tushdi. Bu haqda O‘zA xabar berdi.
Nomzodlar bilan suhbatlar o‘tkazilib, ular orasidan iqtidorli jami 289 nafari ishga qabul qilindi. Jumladan, 14 nafari markaziy apparat, 154 nafari hududiy moliya idoralari, 64 nafari g‘aznachilik va 42 nafari budjetdan tashqari pensiya jamg‘armasining hududiy bo‘linmalari hamda 15 nafari davlat moliyaviy nazorati boshqarmalariga ishga olindi.
Ishga qabul qilingan yoshlar orasidan 19 nafari rahbarlik lavozimlariga tayinlandi (Nukus shahri, Asaka, O‘rta Chirchiq va Oqqo‘rg‘on tumanlari moliya bo‘lim mudirlari, Shayxontohur va Chilonzor tumanlari g‘aznachilik bo‘lim boshliqlari hamda 13 nafari hududiy boshqarmalar bo‘lim boshliqlari).
Hududiy Davlat moliyaviy nazorati boshqarmalaridagi bo‘sh ish o‘rinlarini ham yosh kadrlar bilan to‘ldirish ko‘zda tutilgan.
Tavsiya etilgan nomzodlardan oliy ta’lim muassasalarida tahsil olayotgan jami 397 nafar yigit-qiz tizimda amaliyotga jalb qilingandi. Bu yoshlar zaxiraga olinib, kelgusida vakant ish o‘rinlariga joylashtirish rejalashtirilgan.
Izoh (0)