Бугунги кунга қадар Молия вазирлиги ва унинг ҳудудий органларига Ўзбекистон ёшлар иттифоқи тавсияси билан 1148 нафар ёшдан ишлаш таклифи келиб тушди. Бу ҳақда ЎзА хабар берди.
Номзодлар билан суҳбатлар ўтказилиб, улар орасидан иқтидорли жами 289 нафари ишга қабул қилинди. Жумладан, 14 нафари марказий аппарат, 154 нафари ҳудудий молия идоралари, 64 нафари ғазначилик ва 42 нафари бюджетдан ташқари пенсия жамғармасининг ҳудудий бўлинмалари ҳамда 15 нафари давлат молиявий назорати бошқармаларига ишга олинди.
Ишга қабул қилинган ёшлар орасидан 19 нафари раҳбарлик лавозимларига тайинланди (Нукус шаҳри, Асака, Ўрта Чирчиқ ва Оққўрғон туманлари молия бўлим мудирлари, Шайхонтоҳур ва Чилонзор туманлари ғазначилик бўлим бошлиқлари ҳамда 13 нафари ҳудудий бошқармалар бўлим бошлиқлари).
Ҳудудий Давлат молиявий назорати бошқармаларидаги бўш иш ўринларини ҳам ёш кадрлар билан тўлдириш кўзда тутилган.
Тавсия этилган номзодлардан олий таълим муассасаларида таҳсил олаётган жами 397 нафар йигит-қиз тизимда амалиётга жалб қилинганди. Бу ёшлар захирага олиниб, келгусида вакант иш ўринларига жойлаштириш режалаштирилган.
Изоҳ (0)