O‘zbekistonning Yaponiyadagi elchixonasi tomonidan Alisher Navoiy tavalludining 577 yilligiga bag‘ishlangan tantanali tadbir tashkil etildi. Bu haqda O‘zA xabar bermoqda.
Tadbirda Soka universiteti, Tokio san’at universiteti rahbarlari, professor-o‘qituvchilari va talabalari, “Yaponiya—O‘zbekiston” do‘stlik uyushmasi a’zolari hamda Yaponiya ijtimoiy-siyosiy doiralari va OAV vakillari ishtirok etdi.
Yaponiya oliy ta’lim muassasalari professorlari Navoiy ijodidan parchalar o‘qidi. Tokiodagi Soka universitetining bosh maydonida o‘rnatilgan shoir haykali poyiga gul qo‘yildi.
So‘zga chiqqanlar Yaponiyada buyuk mutafakkirning ijodiga qiziqish katta ekanini qayd etib, uning asarlari yapon tiliga tarjima qilinganini alohida ta’kidladi. Navoiy ijodini o‘rganish Soka universiteti o‘quv dasturiga kiritilgan.
Izoh (0)