Тошкент вилоят Халқ депутатлари Кенгашининг навбатдаги сессиясида Тошкент вилоят ИИБ бошлиғи Абдумалик Алламурадовнинг Тошкент вилоятида жиноятчиликнинг барвақт олдини олиш ва ҳуқуқбузарликка қарши курашиш бўйича вилоят ички ишлар бошқармаси ҳамда унинг қуйи тизимларининг 2017 йилдаги фаолияти ва 2018 йилдаги вазифалари юзасидан ахбороти эшитилди. Бу ҳақда вилоят ички ишлар бошқармаси матбуот хизмати хабар берди.
2017 йилда Тошкент вилояти ҳудудида 2016 йилга нисбатан 1331 та жиноятларнинг камайишига эришилган.
Ҳуқуқни муҳофаза қилувчи органлар, ўзини-ўзи бошқариш органлари, ҳокимликлар, депутат ва сенаторлар билан биргаликда олиб борилган тарғибот тадбирлари натижасида қотиллик 25 тага, қасддан баданга оғир тан жароҳати етказиш 16 тага, ўрта ҳамда енгил шикаст етказиш 243 тага, номусга тегиш 25 тага, босқинчилик 38 тага, талончилик 36 тага, безорилик жиноятлари 194 тага камайган.
Биргина маҳалла посбонлари томонидан 4 минг 971 та турли ҳуқуқбузарликлар аниқланган, уларнинг берган хабарларига асосан 190 та жиноят фош этилган.
Вояга етмаганлар, ёшлар ҳамда хотин-қизлар ўртасида олиб борилган тарбиявий-профилактик ишлар натижасида улар томонидан жиноятлар содир этилиши камайган.
Жиноят содир этиб қидирувда юрган шахслардан 1066 нафари ушланган.
Вилоят ҳудудида жиноятчиликни жиловлаш, маҳаллаларни жиноятдан ҳоли ҳудудга айлантириш мақсадида 2018 йилга мўлжалланган асосий чора-тадбирлар режаси ишлаб чиқилган ва унда устувор вазифалар белгилаб олинган.
Изоҳ (0)