Qirg‘izistonning yettita tijorat banki O‘zbekiston banklari bilan hamkorlik qilishga tayyor. Bu haqda bugun, 8-fevral kuni Qirg‘iziston iqtisodiyot vaziri Artyom Novikov O‘zbekiston Respublikasi tashqi savdo vaziri Jamshid Xo‘jayev bilan bo‘lib o‘tgan uchrashuvda ma’lum qildi, deb xabar berdi “KNews”.
Uning so‘zlariga ko‘ra, ikki mamlakat o‘rtasida moliyaviy hamkorlik to‘g‘risidagi bitim 2017-yilning dekabr oyida imzolangan. O‘zbekiston delegatsiyasining tashrifi chog‘ida ikki mamlakatning Milliy banklari o‘rtasida hamkorlik bo‘yicha kelishuvlarni imzolash rejalashtirilmoqda. Shuningdek, davlat tijorat banklari O‘zbekiston banklari bilan lizing shartnomalarini imzolaydi.
Shu bilan birga Qirg‘iziston O‘zbekistonga qishloq xo‘jaligi mahsulotlarini eksport qilishga va mineral o‘g‘itlarni sotib olishga tayyor.
Hozirda Qirg‘iziston va O‘zbekiston o‘rtasidagi tovar aylanmasi 5 foizni, xususan eksportda — 8,7 foizni, importda —3,6 foizni tashkil etadi. 2016-yilda ikki mamlakat o‘rtasida 192,3 million dollarlik tovarlar aylanmasi amalga oshirilgan.
Izoh (0)