Andijon viloyati Paxtaobod tumani tibbiyot birlashmasi faoliyati yuzasidan olib borilgan o‘rganishlar natijasida bir qator dolzarb vazifalar qoniqarsiz bajarilayotgani aniqlandi. Bu haqda O‘zbekiston Sog‘liqni saqlash vazirligi axborot xizmati ma’lum qildi.
Xususan, tuman tibbiyot birlashmasi tizimida faoliyat yuritib kelayotgan ayrim rahbar xodimlar aholiga tibbiy xizmat ko‘rsatish, profilaktika tadbirlarini olib borish, shifoxona ichi infeksiyasining oldini olish kabi vazifalarni qoniqarsiz bajarib kelgan.
Shu munosabat bilan,
- Paxtaobod tumani tibbiyot birlashmasi boshlig‘i Q.Sayidumarov,
- tuman tibbiyot birlashmasining davolash ishlari bo‘yicha o‘rinbosari Q.Mamadaliyev,
- tuman tibbiyot birlashmasi QVP koordinatori A.Miskinova,
- ko‘p tarmoqli markaziy poliklinika mudiri D.Dehqonova,
- shoshilinch tibbiy yordam bo‘limi mudiri T.Tojiboyev,
- jarrohlik bo‘limi mudiri M.Yunusov,
- tez tibbiy yordam mudiri N.Mamadaliyeva,
- terapiya bo‘limi mudiri M.Teshaboyeva
“Viloyatdagi har bir davolash muassasasi rahbariga xalq roziligi va aholi manfaatlari yo‘lida shaxsiy javobgarlikni his qilib ishlash, birlamchi tibbiy xizmatga bo‘lgan ehtiyojni sifatli va samarali qondirish kabi muhim vazifalar tushuntirildi”, — deyiladi vazirlik axborotida.
Izoh (0)