Toshkent markazida, Beshyog‘och dahasi yaqinida Humo Arena ko‘p tarmoqli muz saroyini qurish ishlari davom etmoqda. Facebook’dagi Humo Arena sahifasida saroy qurilishining 2017-yil boshidan to joriy yilning fevraligacha bo‘lgan jarayoni aks etgan video e’lon qilindi.
“MyDay” nashrining xabar berishicha, muz, sport, konsert va rasmiy arenalarga osonlik bilan o‘zgartirilishi mumkin bo‘lgan ko‘p funksional muz saroyining umumiy maydoni 9 gektarni tashkil etadi.
https://www.facebook.com/Arenahumo/videos/332650087237892/
Qurilish ishlari joriy yilning oxirida yakunlanishi rejalashtirilmoqda. Kompaniya vakillarining so‘zlariga ko‘ra, majmuaning asosiy muz arenasida 12 500 ta tomoshabin o‘rni bo‘ladi, qo‘shimchasida 300 ta o‘rin, shuningdek, 200 ta avtomobil sig‘imiga ega avtoturargoh hamda bolalar uchun tematik park va bir nechta restoran quriladi.
Bundan tashqari, majmua 9 ballik yer silkinishlariga dosh bera oladigan qilib quriladi.
Izoh (0)