26-fevraldan 2-martgacha Toshkent shahrida International Hotel Tashkent mehmonxonasida ADWEEK 2017 marketing va reklama haftaligi bo‘lib o‘tadi. Bu haqda haftalik tashkilotchilari “Daryo”ga ma’lum qildi.
Haftalik doirasida mahalliy va xorijiy ekspertlar ishtirokidagi master-klass va seminarlarning o‘tkazilishi, reklama, marketing, noshirlik va dizayn sohasidagi O‘zbekiston kompaniyalarining mahsulotlari namunalari, chet ellik hamkorlar bilan tadbirkorlik bitimlarini kengaytirish imkoniyatlari namoyish etilishi belgilangan.
Haftalik tadbirkorlikni rivojlantirish, mahalliy marketing bozori asosiy ishtirokchilarining raqobat ustuvorliklarini rivojlantirish uchun maqbul muhitni yaratishga yordam beradi. Shuningdek, haftalik doirasida 2017-yil mahsulotlari va brendlarini tashviq etishdagi eng zo‘r marketing va reklama materiallarini taqdirlash maqsadida tanlov ham o‘tkaziladi.
Izoh (0)