“Taxtlar o‘yini” serialining yaratuvchilari “Yulduzlar jangi” bilan shug‘ullanadi

“Taxtlar o‘yini” serialining yaratuvchilari Devid Benioff va Den Uayss “Yulduzlar jangi” filmining yangi seriyasiga ssenariy yozadi va uni suratga oladi. Bu haqda StarWars saytida ma’lum qilindi.

Benioff va Uayssning ijodi Lyuk Skayuokerning klassik sagasi va yaqinda anons qilingan Rayan Jonsonning trilogiyasidan farq qiladi.

“Devid va Den — bugungi kundagi eng yaxshi ssenariynavislardan. O‘ylashimcha, ularning ko‘p qirrali qahramonlari ‘Yulduzlar jangi’ filmining syujetini aql bovar qilmas darajada qiziqarli qilib yuboradi”, — deydi Lucasfilm prezidenti Ketlin Kennedi.

“1977-yilning yozida biz uzoq galaktika tomon yo‘l oldik va hamon u haqida orzu qilamiz. Bizga taqdim etilgan imkoniyatdan juda mamnunmiz va shu bilan birga zimmamizdagi mas’uliyatdan bizor cho‘chiyapmiz. ‘Taxtlar o‘yini’ning so‘nggi mavsumi tugashi bilan biz mamnuniyat bilan ishga kirishamiz”, — deydi Benioff va Uayss o‘zlarining birgalikdagi bayonotida.

Yangi film qachon ekranlarga chiqishi ma’lum qilinmadi.