Tesla va SpaceX kompaniyalari asoschisi yaqin vaqt ichida yangi avlod xavfsiz o‘tsocharlari sotuvga chiqishi haqida rasman e’lon qildi. Qurilma qiymati donasi uchun 500 dollarni tashkil etadi. Bu haqda tadbirkor Twitter’dagi sahifasida ma’lum qildi va oldindan buyurtma qilish mumkin bo‘lgan “Boringcompany.com” saytiga havola joyladi.
“The Boring Company o‘tsochari har qanday bazmni qizitadi. Zombi-apokalipsis yuz berganda uni xarid qilganligingizdan mamnun bo‘lasiz. O‘liklar qo‘shiniga qarshi ish beradi yoki pulingizni qaytaramiz!”, — deb yozadi Mask.
Dekabr oyida Mask The Boring Company’ning 50 ming kepkasini sotgandan so‘ng o‘tsochar chiqarishga so‘z bergan edi.
Izoh (0)