Google o‘tgan yili ilk bor Vashingtonda ta’sirini kengaytirish uchun boshqa kompaniyalarga nisbatan ko‘proq sarfladi. Bu haqda The Washington Post ma’lum qildi, deb xabar beradi “TASS”.
Kompaniya Kongress, Oq uy va davlat muassasalarida immigratsiya, soliq islohoti, internet-reklama va aksilmonopoliyaviy choralar borasida o‘z manfaatlarini ilgari surish uchun 18 million dollardan oshiq mablag‘ ajratib, o‘z rekordini yangiladi. O‘tgan yili bu summa 2016-yilga nisbatan 17 foizga oshdi.
Biroq boshqa kompaniyalar ham bu borada ortda qolmaslikka harakat qilmoqda. Jumladan, Facebook, Amazon va Apple ham o‘tgan yili lobbi faoliyati uchun mablag‘ ajratishda 2016-yilgi ko‘rsatkichlarini yangiladi.
Jami 4 kompaniya Vashingtonda ta’sirlarini kengaytirish uchun 50 million dollardan ko‘proq sarfladi.
Izoh (0)