AQSh boshchiligidagi koalitsiya Suriyada olib borgan harbiy operatsiyalari davomida so‘nggi 40 oy ichida 10 900 kishini o‘ldirdi. Bu kabi ma’lumotlarni Suriya inson huquqlari kuzatuv markazi o‘z saytida keltirib o‘tdi.
Markaz taqdim etgan ma’lumotlarga ko‘ra, o‘ldirilganlar orasida 7396 kishi IShID terrorchilik tashkilotining a’zosi hisoblanadi. Raqqa, Aleppo, Idlib va Dayr-az-Zor viloyatlarida halok bo‘lganlar orasida 2815 nafar tinch aholi — 655 nafar bola va 481 nafar ayol halok bo‘lgan.
Xalqaro terrorchilikka qarshi AQSh boschiligidagi koalitsiya 2014-yilning sentabrida tuzilgan. Uning maqsadi IShID tashkilotini yo‘q qilish va Suriya rejimini o‘zgartirishda iborat bo‘lgan. 2017-yilning oxirida ma’lum bo‘lishicha, koalitsiya mamlakat prezidenti Bashar Asad nazorati ostida bo‘lgan hududlarda harbiy operatsiyalarni o‘tkazishdan bosh tortgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)