Moskva gubernatorining sobiq birinchi o‘rinbosari rafiqasi 11 mlrd rubl o‘margani uchun 11 yil qamoq jazosiga hukm qilindi

Basmanniy sudi Moskva viloyati gubernatori sobiq birinchi o‘rinbosari Aleksey Kuznetsovning turmush o‘rtog‘i, AQSh fuqarosi Janna Bullaxni budjetdan 11 milliard rubl o‘marishda aybdor deb topib, 11 yil qamoq jazosiga hukm qildi. Bu haqda “Interfaks” xabar bermoqda.

Unga nisbatan sud jarayoni ayblanuvchi xorijda yashiringanligi sababli sirtdan o‘tkazildi.

Shuningdek, sud jabrlanuvchilarning jami 9 milliard rubldan ortiq summani qoplash to‘g‘risidagi fuqaroviy da’volarining bir qismini qondirdi.

Hukmga ko‘ra, jinoiy ish doirasida musodara qilingan mol-mulk da’vo talablarini qondirishga yo‘naltiriladi. Ular orasida Fransiyadagi “Kristall” va “Pralonp” mehmonxonalari, Parijdagi kvartira, Shveysariyadagi ikki kvartira, Sent-Tropedagi villa, shuningdek, 27 ta kartina va 8 ta haykal, 10 qimmatbaho avtomobil va motorli yaxta bor.

Musodara qilingan mol-mulkning qolgan qismi davlat daromadiga tortiladi.