Sayyohlar Gruziya iqtisodiyotiga 2017-yili 2,7 milliard dollar olib keldi. Bu haqda turizm masalalari bo‘yicha ekspert Niko Kvaratsxeliya ma’lum qildi, deya xabar beradi “RIA Novosti”.
Uning aytishicha, bu raqam yanada salmoqliroq bo‘lishi mumkin edi.
“Gruziya kabi kichkina davlat uchun 2,7 milliard dollar daromad yomon emas, biroq 7 million sayyoh uchun kamlik qiladi”, — dedi ekspert.
Mamlakatga 2017-yili 7,5 milliondan ortiq chet ellik keldi, bu 2016-yilga nisbatan 18,8 foizga ko‘p. Gruziyaga asosan Armaniston, Ozarbayjon, Rossiya, Turkiya va Eron fuqarolari kelgani bildirilmoqda.
Izoh (0)