Amerikalik senatorlar vaqtincha — uch hafta muddatga AQSh hukumati faoliyatini moliyalashtirishni uzaytirishga rozi bo‘ldi. Bu haqda “Vedomosti” xabar bermoqda.
Endi ular bevosita budjet bo‘yicha qonun loyihasi uchun ovoz berishi kerak. Biroq bu rasmiyatchilikdan iborat bo‘lishi, ikki partiya vakillari ham hujjatni ma’qullab ovoz berishga tayyorligi bildirilmoqda.
Shundan keyin qonun loyihasi vakillar palatasi tomonidan ko‘rib chiqiladi va prezident Donald Trampga imzo uchun yuboriladi.
Mazkur jarayon yakunlanganidan so‘ng AQSh hukumati 8-fevralga qadar ishini qaytadan boshlashi mumkin.
Eslatib o‘tamiz, oldinroq AQSh hukumati moliyalashtirish yo‘qligi sababli ishini to‘xtatishga majbur bo‘lgandi.
Izoh (0)