“Manchester Siti”ni taslim eta olgan “Liverpul”, APLda so‘nggi o‘rinni egallab turgan klubdan yengildi

Futbol bo‘yicha Angliya Premyer-Ligasining 24-tur bellashuvlariga yakun yasaldi. Uning so‘nggi o‘yini Uelsda o‘tib, turnir jadvalida so‘nggi o‘rinni egallab turgan “Suonsi” chempionlikdan umidini uzmagan “Liverpul”ni qabul qildi.

Bellashuv taqdirini hal qilgan yagona gol himoyachi Alfi Mouson tomonidan urildi. Mazkur golga Yurgen Klopp shogirdlari javob qaytara olmadi. Ular so‘nggi bor peshqadam “Manchester Siti” ustidan 4:3 hisobida zafar quchishga muvaffaq bo‘lgandi.

Shu tariqa “Liverpul” 14 tur davom etgan mag‘lubiyatsiz seriyasiga yakun yasadi. Shularning 10 tasida “mersisayd” klubi zafar quchgan bo‘lsa, yana 4 tasida durang o‘ynagandi.

Angliya Premyer-Ligasi 24-tur bellashuvi 22-yanvar, dushanba

“Suonsi” — “Liverpul” 1:0