Футбол бўйича Англия Премьер-Лигасининг 24-тур беллашувларига якун ясалди. Унинг сўнгги ўйини Уэльсда ўтиб, турнир жадвалида сўнгги ўринни эгаллаб турган «Суонси» чемпионликдан умидини узмаган «Ливерпуль»ни қабул қилди.
Беллашув тақдирини ҳал қилган ягона гол ҳимоячи Алфи Моусон томонидан урилди. Мазкур голга Юрген Клопп шогирдлари жавоб қайтара олмади. Улар сўнгги бор пешқадам «Манчестер Сити» устидан 4:3 ҳисобида зафар қучишга муваффақ бўлганди.
Шу тариқа «Ливерпуль» 14 тур давом этган мағлубиятсиз сериясига якун ясади. Шуларнинг 10 тасида «мерсисайд» клуби зафар қучган бўлса, яна 4 тасида дуранг ўйнаганди.
Англия Премьер-Лигаси 24-тур беллашуви 22 январь, душанба
«Суонси» — «Ливерпуль» 1:0
Гол: Алфи Моусон, 40 (1:0).
Изоҳ (0)