O‘z vatanidagi muammolar sabab Venesueladan qo‘shni mamlakat — Kolumbiyaga qochib ketayotganlar soni 550 ming kishidan ortdi. Bu haqda Kolumbiya hukumatining ma’lumotlariga tayanib, “RIA Novosti” xabar berdi.
Ushbu ma’lumotlar 2017-yilning 31-dekabriga ko‘ra keltirilgan, bu esa undan oldingi yilga nisbatan 62 foizga ko‘p demakdir.
“Venesueladagi vaziyat nafaqat minglab kolumbiyaliklarni o‘z vataniga qaytishga majbur qildi, balki venesuelaliklar ham bizning mamlakatimiz orqali boshqa davlatlarda yashash uchun yo‘l olish yoki birlamchi ehtiyojda zarur bo‘ladigan mahsulotlarni sotib olish imkoniyatini ko‘rmoqda”, — deydi Kolumbiya migratsiya xizmati direktori Kristian Kryuger.
Venesuelada inflyatsiyaning ortishi va davlat daromadining keskin kamayishi, mahsulotlarning tanqisligi, neft narxining pasayishi, shuningdek, prezident Nikolas Maduroga nisbatan norozilik namoyishlarining avj olishi sabab vaziyat juda xavfli tus olgan.
Izoh (0)