Rossiyaning Leningrad viloyatida yashovchi Nataliya Kunafeyeva daryoga tushib ketgan avtomobildagi ayolni qutqargani uchun taqdirlanadi. Bu haqda “RIA Novosti” xabar berdi.
Nataliya 2017-yilning 2-noyabrida YTHga guvoh bo‘lgan. Ko‘prik to‘sig‘iga urilgan yengil avtomobil Kamishovka daryosiga tushib ketgan. Ayol hodisa joyiga yugurib borgan va muzlagan suvga o‘zini tashlagan.
Cho‘kayotgan avtomobilgacha suzib borgan Nataliya uning ichidan yordamga chaqirgan ovozni eshitgan. Avtomobil haydovchisi bo‘lgan ayol o‘t o‘chirgich bilan mashina oynasini sindirishga uringan. Nataliya ayolni mashinadan chiqarib olgan va ular qirg‘oqqa suzib chiqqan.
Izoh (0)