Italiyada Jerri laqabli mushukka o‘z xo‘jayinidan 30 ming yevro meros qoldi. Bu haqda La Stampa’ga tayanib, “Gazeta.ru” xabar berdi.
Nashrning ma’lumotlariga ko‘ra, ayol mushugini “hammadan ortiq” yaxshi ko‘rgan va o‘z vasiyatnomasiga uni ham kiritib ketgan. Unda qayd etilishicha, agarda mushuk kasal bo‘lib qolsa, marhumaning qarindoshlari veterinarga pulni qizg‘anmasdan sarflashi, kerak bo‘lsa qimmatbaho taqinchoqlar va buyumlarini sotishi lozim.
“Biz uning qarorini hurmat qilishga majburmiz. U doim bizni tirik jonzotlarni qadrlashga, Xudoning oldida barcha teng ekanligiga o‘rgatgan”, — deydi marhumaning qizi.
Endilikda Jerri bir kunda ikki marta qisqichbaqalar bilan oziqlanib, to‘rtta turli karavotda uxlamoqda.
Izoh (0)