Италияда Жерри лақабли мушукка ўз хўжайинидан 30 минг евро мерос қолди. Бу ҳақда La Stampa’га таяниб, «Газета.ru» хабар берди.
Нашрнинг маълумотларига кўра, аёл мушугини «ҳаммадан ортиқ» яхши кўрган ва ўз васиятномасига уни ҳам киритиб кетган. Унда қайд этилишича, агарда мушук касал бўлиб қолса, марҳуманинг қариндошлари ветеринарга пулни қизғанмасдан сарфлаши, керак бўлса қимматбаҳо тақинчоқлар ва буюмларини сотиши лозим.
«Биз унинг қарорини ҳурмат қилишга мажбурмиз. У доим бизни тирик жонзотларни қадрлашга, Худонинг олдида барча тенг эканлигига ўргатган», — дейди марҳуманинг қизи.
Эндиликда Жерри бир кунда икки марта қисқичбақалар билан озиқланиб, тўртта турли каравотда ухламоқда.
Изоҳ (0)