Qozog‘istonning Aqto‘be viloyatida 18-yanvar kuni 50 dan ziyod O‘zbekiston fuqarosini Rossiyaga olib ketayotgan avtobus yonib ketdi. Hodisa oqibatida 52 o‘zbekistonlik halok bo‘ldi. Hozirgacha olingan ma’lumotlarga ko‘ra, ularning aksariyati — Namangan viloyatidan.
Mavzuga doir: Qozog‘iston—Rossiya yo‘lida 77 o‘zbekistonlikning o‘limiga sabab bo‘lgan uch hodisa. Asosiy ma’lumotlar
Nodir Jonuzoq. “Ellik uchinchi”
“2018-yilning 18-yanvar kuni Qozog‘istonning Aktyubinsk viloyati Irgiz tumanida avtobusda yong‘in sodir bo‘lishi oqibatida 52 kishi halok bo‘lgan…Ular orasida O‘zbekiston fuqarolari ham bor” O‘zA xabaridan
Sohilga otilgan asov to‘lqindekKo‘ngilga urilar har on bir xabar.Bu olam bir lahza turolmas tinch-tek,Har bir soniyaning mag‘zida xatar.Yo Rabbiy!Borlig‘im bo‘ldi jizg‘anak,Boshdan oyog‘imga yugurdi olov —Go‘yoki do‘zaxga irg‘itdi Falak...Bir avtobus odam yonibdi lov-lov!!
“Oh!” dedim —Jonimdan sachradi ming cho‘g‘,Ko‘zimni qopladi qop-qora tutun.Ellik ikkitamas kuyganlar, yo‘q, yo‘q,Mening ham tiynatim kul bo‘ldi butun!
Odamxo‘r alanga yondi-yu so‘ndi,Men-chi, hali uzo-oq yonib-tutayman.Bu o‘tli azobning ko‘rinmas so‘ngi,Lovullagan dilni kimga tutay man?!
Ko‘ksimga qamalib, o‘rlaydi yong‘in,Imon gulxanida gur yonaman, rost:“Otashli yo‘llarda kuyib oyog‘ing,Ayt, kimni olovdan aylading xalos?!
Balki sen dardidan yuz burgan o‘smirMusofir to‘rvasin bo‘yniga ilmish.Maslagingdan bo‘lib hafsalasi pir,Yetti yot “pir”larni xaloskor bilmish.
Gung, soqov qalbingdan qaytmay aks-sado,Mavhum manzillarga burmish yo‘lini.Sarguzasht, yo ermak, yo kayfu safoIzlab kezmagandir qozoq cho‘lini!?
Aybingni tan olgin, ey so‘qir banda,Balki bor jurmingdan kechgay mushfiq Zot —Jahannam o‘tini bilmassan anda,Lekin to tiriksan, kuygaysan bot-bot!”
Ne deyin?!Na uzr, na tavba qalqon,Ko‘zimdan sachraydi telba yolqinlar.Tomirimda qaynab pishqiradi qon,Gunohim bo‘ynimda — mayli, yoqinglar!
Dahshatli tush va yo qoramsir xayolMisoli to‘zg‘isin o‘tparast qayg‘u.Otashda cho‘milay samandar misol,Kuygan ko‘ngillarga taskin bo‘lsa bu.
Qorong‘u qalblarga insa bir ziyo,Qay o‘ksik dillardan chekinsa alam...Lang‘illab turibdi tandirday dunyo,Qovrilib yotibdi qozonday olam.
Chaqmoqlar zabtidan chatnayapti Ko‘k,Vulqon lava tutar, qani, iching-chi...Ellik ikkitamas yonganlar, yo‘q, yo‘q,Olovsiz yonganlar — ellik uchinchi!
Xaloyiq!Zamin — zo‘r avtobus, ulkan...Asraylik — haq yo‘ldan tonib ketmasin.Toki tengsiz olov, dahshatli gulxan —Quyosh tegrasida yonib ketmasin!!
19.01.2018
Xayrulla Hamidov. “O‘tinch”
Ellik ikki taraf taraldi ohim,Ellik ikki vujud - yurakda dog‘im...Bu foniy dunyoda o‘tda yondilar,Boqiy olovidan asra, Allohim!Elim chorasizdir, giryona boqmish,Har taraf cho‘g‘ bosgan, dillarni yoqmish.Ko‘zlarki qip-qizil gulshanda oqmish...Boqiy olovidan asra, Allohim!
Sendan o‘tinamiz, benuqson O‘zing,Har neni bor etgay Bo‘l degan So‘zing:Ne azob chekmishlar, bilasan O‘zing,Boqiy olovidan asra, Allohim!
Faryodlar samoni teshib yordilar,Bu qanday yuk bo‘ldi, qalbga ortilar?!...Sening huzuringga yonib bordilar,Endi do‘zaxingdan asra, Allohim!
18.01.2018
Izoh (0)