Antonio Konte boshchilik qilayotgan Londonning “Chelsi” klubi Angliya Kubogining 1/16 final bosqichiga yo‘l olish uchun quyi liga vakili bilan jami 220 daqiqa kurash olib borishiga to‘g‘ri keldi.
Tomonlarning “Norvich” maydonida o‘tgan o‘yinida 0:0 hisobi qayd etilgandi. Reglamentga ko‘ra, raqiblar qo‘shimcha o‘yinda maydonga tushadigan bo‘ldi. “Stemford Brij” arenasidagi o‘yinda hammasi mezbonlar foydasiga ishlab turgandi. Biroq hakam hushtagi chalinishiga sanoqli soniyalar qolganida mehmonlar muvozanatni tiklashga muvaffaq bo‘ldi.
Shu tariqa qo‘shimcha 30 daqiqalik kurash boshlandi. Mamlakatning amaldagi chempioni bunda raqib darvozasiga yo‘l topa olmadi. Qo‘shimchasiga, Pedro va Morata hakam tomonidan qizil kartochka olib, maydondan ertaroq chiqib ketishdi.
Penaltilar seriyasidagina Konte shogirdlari vaziyatni o‘nglab, navbatdagi bosqichga yo‘llanma oldi. “Norvich” a’zolarining birgina noaniq zarbasi “Chelsi” joniga oro kirdi.
Qo‘shimcha o‘yinlarga ko‘ra “Lester”, “Suonsi” va “Vest Hem” klublari ham navbatdagi bosqich chiptasiga ega chiqdi. “Vest Hem” ham xuddi hamshahri kabi ikkinchi o‘yinning asosiy vaqtida masalani hal eta olmadi va faqatgina qo‘shimcha daqiqalarda o‘ziga keldi.
Angliya Kubogi 1/32 final (takroriy o‘yinlar) 16-yanvar, seshanba
“Lester” — “Flitvud Taun” 2:0
Gollar: Kelechi Ixeanacho, 43 (1:0). Kelechi Ixeanacho, 77 (2:0).“Vest Hem” — “Shrusberi Taun” 1:0
Gol: Ris Burk, 112 (1:0).17-yanvar, chorshanba
“Suonsi” — “Vulverhempton” 2:1
Gollar: Jordan Ayyu, 11 (1:0). Diogu Jota, 66 (1:1). Uilfrid Boni, 69 (2:1).“Uigan” — “Bornmut” 3:0
Gollar: Semi Morsi, 9 (1:0). Deniyel Byorn, 73 (2:0). Kallum Elder, 76 (3:0).“Chelsi” — “Norvich” 1:1 (pen — 5:3)
Gollar: Mishi Batshuayi, 55 (1:0). Jamal Lyuis, 94+ (1:1).Chetlatishlar: Pedro Rodriges, 117 (Ch). Alvaro Morata, 121+ (Ch).1/16 final o‘yinlari 26—28-yanvar sanalariga tayin qilingan.
Izoh (0)