Антонио Конте бошчилик қилаётган Лондоннинг «Челси» клуби Англия Кубогининг 1/16 финал босқичига йўл олиш учун қуйи лига вакили билан жами 220 дақиқа кураш олиб боришига тўғри келди.
Томонларнинг «Норвич» майдонида ўтган ўйинида 0:0 ҳисоби қайд этилганди. Регламентга кўра, рақиблар қўшимча ўйинда майдонга тушадиган бўлди. «Стэмфорд Бриж» аренасидаги ўйинда ҳаммаси мезбонлар фойдасига ишлаб турганди. Бироқ ҳакам ҳуштаги чалинишига саноқли сониялар қолганида меҳмонлар мувозанатни тиклашга муваффақ бўлди.
Шу тариқа қўшимча 30 дақиқалик кураш бошланди. Мамлакатнинг амалдаги чемпиони бунда рақиб дарвозасига йўл топа олмади. Қўшимчасига, Педро ва Мората ҳакам томонидан қизил карточка олиб, майдондан эртароқ чиқиб кетишди.
Пенальтилар сериясидагина Конте шогирдлари вазиятни ўнглаб, навбатдаги босқичга йўлланма олди. «Норвич» аъзоларининг биргина ноаниқ зарбаси «Челси» жонига оро кирди.
Қўшимча ўйинларга кўра «Лестер», «Суонси» ва «Вест Ҳэм» клублари ҳам навбатдаги босқич чиптасига эга чиқди. «Вест Ҳэм» ҳам худди ҳамшаҳри каби иккинчи ўйиннинг асосий вақтида масалани ҳал эта олмади ва фақатгина қўшимча дақиқаларда ўзига келди.
Англия Кубоги 1/32 финал (такрорий ўйинлар) 16 январь, сешанба
«Лестер» — «Флитвуд Таун» 2:0
Голлар: Келечи Ихеаначо, 43 (1:0). Келечи Ихеаначо, 77 (2:0).«Вест Ҳэм» — «Шрусбери Таун» 1:0
Гол: Рис Бурк, 112 (1:0).17 январь, чоршанба
«Суонси» — «Вулверҳэмптон» 2:1
Голлар: Жордан Айю, 11 (1:0). Диогу Жота, 66 (1:1). Уилфрид Бони, 69 (2:1).«Уиган» — «Борнмут» 3:0
Голлар: Сэми Морси, 9 (1:0). Дениэл Бёрн, 73 (2:0). Каллум Элдер, 76 (3:0).«Челси» — «Норвич» 1:1 (пен — 5:3)
Голлар: Миши Батшуайи, 55 (1:0). Жамал Льюис, 94+ (1:1).Четлатишлар: Педро Родригес, 117 (Ч). Альваро Мората, 121+ (Ч).1/16 финал ўйинлари 26—28 январь саналарига тайин қилинган.
Изоҳ (0)