AQShning Nyu-Gempshir shtatida salkam 560 million dollar yutuq keltirgan Powerball lotereyasi chiptasi sotildi. Bu haqda “TASS” xabar bermoqda.
“Nyu-Gempshirda sotilgan bittasi 559,7 million dollar miqdoridagi jekpotni keltirganini ma’lum qilishdan mamnunmiz”, — dedi lotereya vakili. G‘olibning ismi-sharifi ma’lum qilinmadi.
Lotereya 6-yanvar, shanba kuni o‘ynaldi. Qoidalarga ko‘ra, g‘olib jami summani birdaniga yoki bir necha yil mobaynida bo‘lib-bo‘lib olishi mumkin.
Bu AQSh tarixidagi summasi bo‘yicha ikkinchi jekpot. 2017-yili Massachusetsda yashovchi 53 yoshli Meyvis Uonchik 758 million dollar yutib olgandi.
Izoh (0)