Kosta “Atletiko”da yana gol urdi va qizil kartochka oldi. Montella La Ligadagi ilk o‘yinidayoq “tarsaki yedi”

Ispaniya La Ligasining 18-tur bellashuvlari kecha — 6-yanvar kuni start oldi. “Barselona”ni ta’qib qilishga urinayotgan ikki klub unda zafar quchishga muvaffaq bo‘ldi. Demak, Madridning “Real” klubi kamida yana 1 ta tur davomida 4-o‘rindan yuqoriga ko‘tarila olmaydi.

“Valensiya” bu turda irodali g‘alabani qo‘lga kiritdi. 1 ta avtogol va 1 ta penalti bu borada Marselino jamoasiga yetarli bo‘ldi. Shu tariqa “ko‘rshapalaklar” yangi yildan keyingi La Liga turini muvaffaqiyatli boshlab oldi.

“Atletiko” esa o‘z uyida ishonchli g‘alabaga ega chiqdi. Yangi yildan keyin o‘zining ilk uchrashuvini kubok doirasida o‘tkazib, gol ura olgan Diyego Kosta, bu safar asosiy tarkibda maydonga chiqdi va yana gol urdi. Biroq uni nishonlashi hakamga to‘g‘ri kelmadi va referi unga chiqish eshiklarini ko‘rsatib qo‘ydi.

Vinchentso Montella esa Ispaniyadagi faoliyatini kubok o‘yinini yutish bilan boshlagandi. La Ligadagi debyut esa omadsiz chiqdi. Shu kuni “Sevilya” futbolchilari o‘z maydonida to‘p surayotganiga qaramay, darvozasidan 5 ta gol o‘tkazib yubordi.

Bugun “Real” va “Barselona” o‘z o‘yinlarini o‘tkazadi.

Ispaniya La Ligasi 18-tur bellashuvlari 6-yanvar, shanba

“Atletiko” — “Xetafe” 2:0

“Valensiya” — “Jirona” 2:1

“Las-Palmas” — “Eybar” 1:2

“Sevilya” — “Betis” 3:5

7-yanvar, yakshanba“Leganes” — “Real Sosyedad” 16:00“Barselona” — “Levante” 20:15“Vilyarreal” — “Deportivo” 22:30“Atletik” — “Alaves” 22:30“Selta” — “Real Madrid” 00:45

8-yanvar, dushanba“Malaga” — “Espanyol” 01:00