Испания Ла Лигасининг 18-тур беллашувлари кеча — 6 январь куни старт олди. «Барселона»ни таъқиб қилишга уринаётган икки клуб унда зафар қучишга муваффақ бўлди. Демак, Мадриднинг «Реал» клуби камида яна 1 та тур давомида 4-ўриндан юқорига кўтарила олмайди.
«Валенсия» бу турда иродали ғалабани қўлга киритди. 1 та автогол ва 1 та пенальти бу борада Марселино жамоасига етарли бўлди. Шу тариқа «кўршапалаклар» янги йилдан кейинги Ла Лига турини муваффақиятли бошлаб олди.
«Атлетико» эса ўз уйида ишончли ғалабага эга чиқди. Янги йилдан кейин ўзининг илк учрашувини кубок доирасида ўтказиб, гол ура олган Диего Коста, бу сафар асосий таркибда майдонга чиқди ва яна гол урди. Бироқ уни нишонлаши ҳакамга тўғри келмади ва рефери унга чиқиш эшикларини кўрсатиб қўйди.
Винченцо Монтелла эса Испаниядаги фаолиятини кубок ўйинини ютиш билан бошлаганди. Ла Лигадаги дебют эса омадсиз чиқди. Шу куни «Севилья» футболчилари ўз майдонида тўп сураётганига қарамай, дарвозасидан 5 та гол ўтказиб юборди.
Бугун «Реал» ва «Барселона» ўз ўйинларини ўтказади.
Испания Ла Лигаси 18-тур беллашувлари 6 январь, шанба
«Атлетико» — «Хетафе» 2:0
Голлар: Анҳель Корреа, 18 (1:0). Диего Коста, 68 (2:0).Четлатиш: Диего Коста, 68 (А).«Валенсия» — «Жирона» 2:1
Голлар: Порту, 8 (0:1). Хонас Рамальо, 27-авт (1:1). Даниэль Парехо, 48-пен (2:1).«Лас-Пальмас» — «Эйбар» 1:2
Голлар: Хонатан Виера, 32-пен (1:0). Фабио Орельяна, 73 (1:1). Серхи Энрих, 77 (1:2).«Севилья» — «Бетис» 3:5
Голлар: Фабиан Руис, 1 (0:1). Виссам Бен-Йеддер, 13 (1:1). Зуаир Феддаль, 21 (1:2). Симон Кьер, 40 (2:2). Ризо Дурмиси, 63 (2:3). Серхио Леон, 65 (2:4). Клеман Лангле, 67 (3:4). Кристиан Тельо, 96+ (3:5).7 январь, якшанба«Леганес» — «Реал Сосьедад» 16:00«Барселона» — «Леванте» 20:15«Вильярреал» — «Депортиво» 22:30«Атлетик» — «Алавес» 22:30«Сельта» — «Реал Мадрид» 00:45
8 январь, душанба«Малага» — «Эспаньол» 01:00
Изоҳ (0)