Misr terma jamoasini Jahon Chempionatiga qahramonona olib chiqishda katta mehnat qilgan Muhammad Saloh Afrika qit’asining 2017-yildagi eng yaxshi futbolchisi deb topildi.
Ovoz berish jarayonida Saloh raqobatchilari bo‘lgan Sadio Mane (Senegal) hamda Pyer-Emerik Obameyangni (Gabon) ortda qoldirdi. “Liverpul” hamda “Borussiya Dortmund” futbolchilariga qaraganda “Liverpul” a’zosining faoliyati yorqinroq ko‘rindi.
Saloh Afrikada yil futbolchisi deb topilgan misrlik ikkinchi futbolchi bo‘ldi. Unga qadar Mahmud Al-Xatiba shunday baxtga musharraf bo‘lgandi.
Saloh bunga qadar arab mamlakatlarining ham eng yaxshi futbolchisi bo‘lishga erishgandi. Bu borada 25 yoshli hujumchi suriyalik Umar Xarbin hamda saudiyalik Umar As-Somadan ilgarilab ketgandi.
Afrikada 2017-yilning eng yaxshi murabbiyi sifatida Misr ustozi Ektor Kuper tan olindi.
Izoh (0)