Pens: agar noroziliklar davom etsa, AQSh va boshqa mamlakatlar eronliklar uchun ko‘p narsa qila oladi

AQSh mamlakatning amaldagi hukumatiga qarshi noroziliklarini ko‘rsatayotgan Eron aholisini qo‘llab-quvvatlamoqchi, bu esa faqat quruq gap bilan bo‘lmaydi. Bu haqda AQSh vitse-prezidenti Maykl Pens Voice of America radiostansiyasiga bergan intervyusida aytib o‘tdi, deb yozadi “TASS”.

“Biz ularni qo‘llab-quvvatlashda davom etamiz, bu nafaqat quruq gap bilan bo‘ladi, shuningdek, ular o‘z mamlakatida o‘zgarishlarga erishganida ham (qo‘llab-quvvatlaymiz). Sizni ishontirishim mumkinki, AQSh va dunyoning qolgan qismi yaxshiroq va erkin kelajakka intilayotgan Eron aholisini qo‘llab-quvvatlamoqda”, — dedi u.

“O‘ylaymanki, Erondagi odamlar o‘z erkinligini talab qilishda va o‘zgarishlarga erishishda, mamlakatda o‘n yillardan buyon ustunlik qilib kelgan radikal mafkurani rad etishda davom etsa, AQSh va butun dunyo mamlakatlari ular uchun juda ko‘p narsani qila oladi”, — dedi vitse-prezident. Uning so‘zlariga ko‘ra, Islom Respublikasi “insonning tayanch huquqlarini rad etuvchi” mamlakat bo‘lib qolmoqda.