АҚШ мамлакатнинг амалдаги ҳукуматига қарши норозиликларини кўрсатаётган Эрон аҳолисини қўллаб-қувватламоқчи, бу эса фақат қуруқ гап билан бўлмайди. Бу ҳақда АҚШ вице-президенти Майкл Пенс Voice of America радиостанциясига берган интервьюсида айтиб ўтди, деб ёзади «ТАСС».
«Биз уларни қўллаб-қувватлашда давом этамиз, бу нафақат қуруқ гап билан бўлади, шунингдек, улар ўз мамлакатида ўзгаришларга эришганида ҳам (қўллаб-қувватлаймиз). Сизни ишонтиришим мумкинки, АҚШ ва дунёнинг қолган қисми яхшироқ ва эркин келажакка интилаётган Эрон аҳолисини қўллаб-қувватламоқда», — деди у.
«Ўйлайманки, Эрондаги одамлар ўз эркинлигини талаб қилишда ва ўзгаришларга эришишда, мамлакатда ўн йиллардан буён устунлик қилиб келган радикал мафкурани рад этишда давом этса, АҚШ ва бутун дунё мамлакатлари улар учун жуда кўп нарсани қила олади», — деди вице-президент. Унинг сўзларига кўра, Ислом Республикаси «инсоннинг таянч ҳуқуқларини рад этувчи» мамлакат бўлиб қолмоқда.
Изоҳ (0)