Bo‘stonliqda “Muruvvat aksiyasi” doirasida 111 kishiga maishiy texnika vositalari topshirildi

27-dekabr kuni Toshkent viloyatining Bo‘stonliq tumanidagi kam ta’minlangan oilalarga O‘zbekiston Prezidenti tashabbusi bilan tashkil etilgan “Muruvvat aksiyasi” bo‘lib o‘tdi. Bu haqda “Daryo” manbasi xabar bermoqda.

Mazkur aksiya O‘zbekiston kasaba uyushmalari tomonidan tashkillashtirilgan bo‘lib, tadbirda 111 nafar kishiga 56 million 600 ming so‘mlik maishiy texnika vositalari o‘z egalariga topshirildi. Shuningdek, tumandagi 6 nafar bemorga davolanishi uchun 4 million so‘mdan mablag‘ ajratildi.

Qayd etilishicha, uyi ta’mirtalab bo‘lgan 10 ta oilaga ta’mirlash uchun 10 million so‘mdan, uy-joyga muhtoj bo‘lgan 2 ta oilaga 75 million so‘mdan pul mablag‘lari ajratilgan.