27 декабрь куни Тошкент вилоятининг Бўстонлиқ туманидаги кам таъминланган оилаларга Ўзбекистон Президенти ташаббуси билан ташкил этилган «Мурувват акцияси» бўлиб ўтди. Бу ҳақда «Дарё» манбаси хабар бермоқда.
Мазкур акция Ўзбекистон касаба уюшмалари томонидан ташкиллаштирилган бўлиб, тадбирда 111 нафар кишига 56 миллион 600 минг сўмлик маиший техника воситалари ўз эгаларига топширилди. Шунингдек, тумандаги 6 нафар беморга даволаниши учун 4 миллион сўмдан маблағ ажратилди.
Қайд этилишича, уйи таъмирталаб бўлган 10 та оилага таъмирлаш учун 10 миллион сўмдан, уй-жойга муҳтож бўлган 2 та оилага 75 миллион сўмдан пул маблағлари ажратилган.
Изоҳ (0)