Amudaryo tumani Fuqarolik holati dalolatnomalarini yozish (FHDYo) bo‘limining yangi binosi foydalanishga topshirildi. Bu haqda 9-dekabr, shanba kuni O‘zA xabar berdi.
Loyiha qiymati 1,25 milliard so‘m bo‘lgan zamonaviy binoda tantanalar zali, arxiv, “oila dorilfununi”, ota-onalar, nikohlanuvchi yoshlar bilan uchrashuvlar o‘tkazishga mo‘ljallangan xonalar, xodimlar uchun alohida va boshqa maishiy-xo‘jalik xonalari, kelin-kuyovlar saloni bo‘lib, barchasi zarur jihozlar bilan ta’minlangan.
“Shu kuni yangi ‘Baxt uyi’da birinchi nikoh qayd etildi — Ahmadjon To‘liboyev va Shohista Ollaberganovaga nikoh guvohnomasi topshirildi”, — deb yozadi O‘zA.
Agentlikning qo‘shimcha qilishicha, O‘zbekiston Konstitutsiyasi qabul qilinganining 25 yilligi bayrami arafasida tumandagi 1-davlat notarial idorasining yangi binosi ham foydalanishga topshirilgan edi.
Izoh (0)