Argentina mudofaa vaziri Oskar Aguad mamlakat hukumati vakillari o‘rtasida birinchi bo‘lib 15-noyabr kuni yo‘qolgan “San Xuan” suvosti kemasining 44 nafar ekipaj a’zolari halok bo‘lganini oshkora tan oldi, deb yozadi “TASS”.
Mudofaa vaziri bu haqda telekanallardan biriga bergan intervyusida aytib o‘tgan. Vazir telekanal jurnalistining suvosti kemasi ekipaj a’zolarining barchasini halok bo‘lgan deb hisoblash mumkinligi to‘g‘risidagi savoliga “Xuddi shunday”, deb javob bergan.
U, shuningdek, kema yo‘qolganidan so‘ng o‘tgan davr ichida va qiyin sharoitlarda inson yashab qolishi mumkin emasligiga asoslanib, avvalroq qutqaruv operatsiyasini to‘xtatish va suvosti kemasini izlashga e’tibor qaratish haqida qaror qabul qilinganini qo‘shimcha qildi.
Aguad vaqt limitini o‘rnatadigan va operatsiyaning keyingi bosqichi — izlash jarayoniga o‘tish zarurligini bildiruvchi xalqaro normalar borligini ham eslatib o‘tdi.
Izoh (0)