АҚШ сенатида КХДР билан уруш яқинлашаётгани туфайли, Жанубий Кореядан дипломатлар оилаларини эвакуация қилишни таклиф этишди

Америкалик сенатор Линдси Грэм фикрича, яқинлашиб келаётган муқаррар қуролли низо муносабати билан Жанубий Кореядан АҚШ ваколатхонаси ходимларининг хотинлари ва фарзандларини эвакуация қилиш керак, деб ёзади «Интерфакс».

«Шимолий Корея томонидан провокациялар шароитида уларнинг хотин ва бола-чақаларини юбориш учун одам ақлдан озган бўлиши керак», — деди сиёсатчи.

Америка президентининг миллий хавфсизлик бўйича маслаҳатчиси Герберт Макмастер Пхеньян билан урушга тайёрланиш учун АҚШда кам вақт қолаётганини айтди. «Ушбу муаммони қуролли низосиз ҳал қилишнинг йўллари мавжуд, аммо пойга кетмоқда, Ким Чен Ин бунга тобора яқинлашиб бормоқда ва бизда кам вақт қолмоқда», — деди у.

Хабарларга кўра, Шимолий Корея ракета учирганидан кейин, АҚШ ўз ғарбий қирғоқларида ракетага қарши мудофаа тизимини кучайтириш масаласини кўриб чиқмоқда. Бундай топшириқ аллақачон АҚШ Ракетага қарши мудофаа агентлигига берилган.