Toshkent viloyati IIBga Angren shahri Do‘stlik mahallasidagi saunada mijozlar fohisha ayollar bilan maishat qilayotganliklari haqida ma’lumot kelib tushgan. Bu haqda boshqarmaning matbuot xizmati xabar berdi.
Holatga oydinlik kiritish maqsadida 2017-yilning 29-noyabr kuni Angren shahar IIB xodimlari saunada tekshiruv o‘tkazdi.
Tadbir jarayonida yuqoridagi L.R.ga tegishli saunada 1996-yilda tug‘ilgan J.S, 1992-yilda tug‘ilgan M.M, 1996-yilda tug‘ilgan S.Sh, 1997-yilda tug‘ilgan Y.T, 1992-yilda tug‘ilgan M.D, 1987-yilda tug‘ilgan D.A. va 1989-yilda tug‘ilgan Sh.D. ko‘ngilxushlik qilayotgani, ularga bir qator fohishalar xizmat ko‘rsatayotgani ma’lum bo‘ldi.
“Mijozlari”ga xizmat ko‘rsatayotgan fohishalar orasida 1997-yilda tug‘ilgan A.D, 1995-yilda tug‘ilgan T.G, 1993-yilda tug‘ilgan M.D, 1997-yilda tug‘ilgan A.D. hamda 1998-yilda tug‘ilgan I.G.lar bo‘lgan.
Yuqoridagi saunaga dam olish uchun kelgan mijoz va fohishalarni tadbirga jalb qilingan IIB xodimlari Angren shahar IIBga hujjatlashtirish uchun olib keldi.
Izoh (0)