McKinsey Global Institute kompaniyasi o‘tkazgan tadqiqot natijalariga ko‘ra, 2030-yilga kelib, 400 dan 800 milliongacha kishi robotlar yoki avtomatlashtirish jarayonlari sababli o‘z ish o‘rinlaridan ajralishi mumkin, deb yozadi Afisha Daily.
Tadqiqotga ko‘ra, asosan bir zayldagi ishlar bilan bog‘liq faoliyat boshqalardan ko‘ra ko‘proq robotlashtiriladi. Masalan, ma’lumotlarni to‘plash va ular ustida ishlash yoki fastfud tarmog‘ida ishlash. Ammo ma’ruza mualliflari ta’kidlashicha, agar xodimlar yangi funksiyalarni bajara boshlasa, vazifalar avtomatlashtirilishi tufayli, ushbu kasblardagi bandlik pasaymasligi ham mumkin.
Odamlarni boshqarish, ijtimoiy o‘zaro munosabatlar bilan bog‘liq kasblar, shuningdek, oldindan aytib bo‘lmaydigan elementlari bo‘lgan faoliyatlar (masalan, bog‘dorchilik yoki santexnikani ta’mirlash) esa eng kam robotlashtiriladi.
McKinsey Global Institute ma’lumotlariga ko‘ra, avtomatlashtirish eng ko‘p Xitoyga o‘z ta’sirini o‘tkazadi, u yerda 2030-yilga kelib, 100 milliongacha bo‘lgan kishi ish o‘rinlaridan ajralishi mumkin. Shuningdek bu jarayon AQSh, Hindiston, Germaniya va Yaponiyaga ham kuchli ta’sir o‘tkazadi.
Izoh (0)