“Sankt-Peterburg – Qarshi” yo‘nalishidagi 640-sonli aviareys bilan Qarshi xalqaro aeroportida parvozini yakunlagan Barno O‘rolova (barcha ism-familiyalar o‘zgartirilgan) belgilangan tartibda bojxona nazoratidan o‘tkazildi, deb xabar beradi Davlat bojxona qo‘mitasi axborot xizmati.
Nazorat jarayonida Barno O‘rolovaga tegishli Samsung SM G361H/DS qo‘l telefoni xotirasida O‘zbekiston Respublikasi hududiga olib kirilishi taqiqlangan 31 dona pornografik mazmundagi videolavha borligi aniqlandi,
Shuningdek, Barno bilan birga parvoz qilgan Surxondaryo viloyati Termiz tumanida istiqomat qiluvchi Asila Sanayevaning ham qo‘l yuklari xolislar ishtirokida yo‘lovchi bojxona deklaratsiyasi asosida bojxona nazoratidan o‘tkazilganda, deklaratsiyada ko‘rsatilgan Alcatel 5070D markali qo‘l telefoni va unga o‘rnatilgan xotira kartasida O‘zbekiston Respublikasi hududiga olib kirilishi taqiqlangan 72 dona pornografik mazmundagi videolavha saqlab kelingani ma’lum bo‘ldi.
Yakunda fuqarolar B.O‘rolova hamda A.Sanayevaga nisbatan sudning qarori asosida 449 ming 325 so‘mdan jarima jazolari tayinlandi. Ashyoviy dalil sifatida olingan qo‘l telefonlari nopok materiallardan tozalanib, davlat egaligiga o‘tkazildi.
Izoh (0)